ممكن بقا انتباه شوية

شكرا جدا ليكى كلامك فوق راسى طبعا مش هبل ولا انت واحدة بتتكلم وخلاص لانك بتتكلمى صح وارجو من الجميع اخذ كلامك بعين الإعتبار

بصى كلامك فعلا موزون وكلة صح بس انا عندى رد على كلامك دة
كلامك يجيى لو القسم الاسلامى مش فية مواضيع دة اولا
ثانيا القسم الاسلامى موجود هنا على المنتدى من مدة قصيرة جدا والكم الى موجود فى القسم الاسلامى كويس جدا بالنسبة للفترة دى
وثالثا يا جماعة انتوا هتفضلوا تتكلموا فى الموضوع دة كتير واظن الى كان مضايقكوا اتشال مع ان مكنش لازم يتشال فمش لازم بقة كل واحد يدخل يعمل موضوع يحسس الادراة ان المنتدى زبالة
ومتزعلوش منى كفاية حرام عليكوا الضغط الى انتوا عاملينو دة اظن الضغط دة كلة مش بيجى غير على كريم هو الى الضغط كلة علية حرام يعنى
لو عايزين تتكلموا اتكلموا اوك بس بلاش نظام الى تحسسوانا اننا ادارة فاشلة ومش عارفين نظبط المنتدى
واظن يعنى احنا عملنا الى يريحكوا وبنحاول نرضيكوا بجميع الطرق
واى منتدى فى الدنيا لازم يكون متنوع والله انا عمرى ما شفت منتدى فى اهتمام بجانب واحد بس حتى ولا منتدى اسلامى هاتوا منتدى واحد بس يكون فى كدة وانا جاهزة انى اغير المنتدى وعموما انا هحط مواضيع فى المنتدى الاسلامى طالما دة الى مضيقكوا وياريت تستفيدوا
وياريت محدش يزعل من كلامى بس انا بحب اقول الى جوايا

وبعدددددددددين انا مش عايزة حد يقول كلمة مش الجيل الجديد دى والكلام دة بقة انا بجد مش هسمح لحد يقولها تانى اسفة بس افهموا معنى الكلام قبل اما تقولوة
وبعدين نصيحة منى لكى ادخل القسم الاسلامى بس واقرائى المواضيع

بصى ياهيا انا بس عايز ارد عليكى فى اكتر من حاجه فى الكلام اللى انت كتباه
اولا بالنسبه للى اتشال لو قصدك على الألعاب فدا كان لازم يحصل لأن انا شايف ارقام غريبه فى عدد مساهمات الأعضاء مع انى مش شايف على المنتدى كل المساهمات دى فى مواضيع تجذب الزوار ولقيته فى الألعاب
ثانيا انتوا مش شلتوا علشان ترضونا الإداره شالتو عشان ده الصح
ثالثاانتى بتراهنى ان مفيش منتدى مهتمين بيه فى قسم معين ومهملين الباقى الكلام ده لو هى بتقول اننا نهمل الباقى ونهتم بالركن الإسلامى بس الكلام اللى قالتو بالنص " انا مش بقول نعمل مواضيع هنا ومنعملش على منتديات تانية
لا
بس نوزنها بردو
يعني لاكده علطول ولا كده علطول " الكلام ده انا نقلوا بالنص من اللى هى كتباه
رابعالو هتحطى مواضيع فى المنتدى الإسلامى بس عشان تريحينا فانا بقولك مش تتعبى نفسك
خامسا انتى بتقولى مش تزعلوا منى
لا احنا بنتناقش ومش متهيألى انى النقاش فيه زعل

لا بص اظن انك فهمت معظم كلامى غلط انا مش معترضة ع كلامها ولا بقول انها غلطانة انا بس حبيت اوضح وجهة نظرى واظن انت لو ركزت شوية فى المنتدى هتعرف انى مش غلطانة وصدقنى انا مش مع ان الالعاب تفضل او مش تفضل انا مش تافهة اوى يعنى انا بتكلم ع اساس ان قسم يتلغى من منتدى دة ظلم للمنتدى اصلا مكنش لازم اول خطوة تكون كدة احنا كان ممكن زى ما كريم قال نحدد ايام للعب او نقلل من اللعب بس اول خطوة اصلا غلط ان يبقى التسرع ع طول للغى القسم
وبعدين انا الى مضيقانى انكم اديتوا للموضوع دة اكتر من اللازم دلوقتى اى زائر هيدخل هيقرأ موضوع واحد ويكرة انة يسجل فى المنتدى هيبقى شكلنا اية بس انتوا فهمونى
وبعدين انا مش بحط علشان اريحكوا ولا حاجة انا فعلا كنت عايزة احط مواضيع فى المنتدى الاسلامى بس الايام الى فاتت مكنش عندى وقت غير انى ادخل بس وعموما المواضيع موجودة للى عايز انا مقدرش افرض عليك حاجة
وواضح انى اتفهمت غلط

لا والله انا مش عايزك تزعلى منى
والله ماقصد انك تافه او كدة
اولا انا مش عارف ان الألعاب اتلغت خالص انا اخر حاجه لما دخل عرفت ان هما هيسيبوا لعبتين بس وتقدرى تخشى وتشوفى اخر حاجه انا كتبتها فى الموضوع ده ايه
ثانيا انا كمان مش مع ان الموضوع ياخد اكتر من حقه بس اللى انا ملاحظه ان من يوم ما اتكلمنا على الألعاب بقى الأعضاء اللى بتخش مش بتحط مواضيع كل اللى بيعملوه بيردوا ويخرجوا
انا مش قصدى عليك او على اى حد بس فعلا انا مش بشوف حاجه جديده على المنتدى يا هياياريت مش تزعلى منى انا اسف لو كنت فهمتك غلط انت زى اختى وكل اللى على المنتدى اخواتى سواء بنات او شباب

يا سيدى عادى ولا يهمك انا ديما بتفهم غلط ههههههه
ولا يهمك عادى بس اوعدك ان المنتدى هيتغير انشاء الله احنا بس يا جماعة فى ايام دراسة يعنى وقت فراغنا قليل جدا واظن اننا كلنا كدة

ياستى انا اسف مره تانيه انى فهمتك غلط
وربنا معاكى اهم حاجه دراستك دلوقتى
احنا خلاص مفيش مننا امل الأمل دلوقتى فيكم انتم
وان شاء الله المنتدى يتغير للأحسن طبعا وايد فى ايد نغيرة مع بعض
ولو احتجتى اى حاجه اطلبيها وماتتكسفيش انا اخوكى الكبير
مش كبير اوى يعنى

ماشى يا سيدى ماشى
مش كبير اوى اكيد هما سنتين بس هتخليها كبير
كلها سنتين وانا اكون فى الثانوى انشاء الله زيك كدة

ماشى يا ستى وانا هاقف استناكى عشان تبقى قدى
هههههههههههههه

هههههههه ياريت المفروض

بس تعالى بسرعه بقى خدى تاكسى ولا اى حاجه مش هافضل واقف كدة كتيير

بغض النظر على بعض الكلام اللى مش عاجبنى ف الموضوع
بس احنا مسلمين
والمنتدى الاسلامى ده واجب علينا
وايدنا ف ايد بعض
نخلى المنتدى ف القمه ف جميع المجالات
يااااااااااااااااااااااااااااااااااااااااااااااااااااااااااااااااارب
مشكوره على الموضوع
وانتى كمان يا هيا
واحمد على كلامكم

مشور لمرورك يا ماندو بس ياريت توضح ايه اللى مش عجبك علشان اى سلبيات نغيرها

لا يجماعه علفكره انتوا ظالمين هيا شويه هى هيا بس مش كانت عايزه نضغط على الإداره اكتر من كده
وهى اصلا ابتدت تتفاعل معانا وتحط مواضيع فى الإسلامى
يعنى مش واخده الموضوع تسليه ولا حاجه ياياسمين مش تولعيها

اولا شكرا على كلامكوا
ثانيا انا مش هتكلم كتير لان واضح انكوا مش تعرفوا تتعملوا بلغة حوار اصلا وواضح انكم عايزين انتوا بس الى تتكلموا ومش بيعجبكوا اى رأى غير رايكم وبتحبوا تهاجموا وبس
وسورى بجد انى دخلت فى حوار زى دة

لايا هيا مش يصح كده انا مش معاكى فى اللى انتى بتقوليه ده

لية هو انا قلت حاجة غلط ولا انت مش شايف كلامهم

يا هيا انا طبعا ضد اللى هما قالوه
بس مش مع انك تخرجى كده من الحوار
وتقولى كلام ممكن يزعل حد

انا مقلتش حاجة غلط
انا قلت انهم مش عايزين يسمعوا اراء حد
زى ما هما قالوا رأيهم انا ليا حق اقول رأى
وانا سمعت كلامها فى الاول ورديت بأدب ولا قلت لها يا ست ولا كلام من دة اما اقول رأى مش عيب اظن يعنى ويعنى اية واخدة الموضوع تسلية مش فاهمة يعنى

وبعدين اقرأ كلامها كويس وافهم هى قصدها اية
لان واضح ان كلامها كلة هجوم عليا

معلش يا هيا امسحيها فيا انا معلش
وبعدين يا ستى اخواتك يعنى وبتقولك كدة بعشم بردو

بسم الله الرحمن الرحيم
ايها الاعضاء المحترمين
هذا المنتدى منتدى متنوع
فيه جميع المجالات
ومن الافضل ان نهتم بالمنتدى
وبلاش كلام مش ليه لازمه
اولا اللى كاتبه الموضوع مكملتش الموضوع صح وزعلت الاعضاء
منها
المنتدى بجد اتغير

وصوتى لصوت هيا ان الموضوع يتلغى

وعالفكره انا مع احمد وهيا ف كل كلمه قالوها
ومع اللى كاتبه الموضوع ف حاجه واحده
بس
اننا لازم نهتم بالمنتدى الاسلامى
وشكرا
والسلام عليكم

تم حذف الموضوع